Parij prokurori: "Luvrdagi talonchilik 88 million yevro miqdorida zarar keltirdi"

Parij prokurori Lor Bekko Luvr muzeyidagi o‘g‘rilik 88 million yevro miqdorida zarar yetkazganini ma’lum qildi.

BFMTV telekanali uning so‘zlariga asoslanib xabar bermoqda.

"Luvr direktori yetkazilgan zararni 88 million yevroga baholamoqda. Bu ta’sirli miqdor, ammo uni tarixiy zarar bilan solishtirib bo‘lmaydi", deb ta’kidladi Bekko.

Ayni paytda Fransiya Madaniyat vazirligi Financial Times nashriga o‘g‘irlangan zargarlik buyumlari sug‘urtalanmaganligini ma’lum qildi. Luvrda oddiygina bunday siyosat yo‘q, chunki Leonardo da Vinchining "Mona Liza" va "Buyuk Tanis sfenksi" kabi asarlarning qadr-qimmatini baholab bo‘lmaydi. Vazirlik vakilining tushuntirishicha, milliy muzey eksponatlari normal saqlanadigan joyda bo‘lsa, davlat o‘zining sug‘urtalovchisi sifatida ishlaydi.

Fransiya Madaniyat vaziri Rashida Dati yakshanba kuni muzeydagi talonchilik haqida ma’lum qildi. Muzeydan Napoleon III davriga oid sakkizta qimmatbaho buyumlar, jumladan, diadema, jig‘a va marjonlarni o‘g‘irlab ketishdi. Tergov ma’lumotlariga ko‘ra, o‘g‘rilar jihoz sotuvchisi bilan oldindan kelishib olgan bo‘lishi mumkin va jinoyatdan so‘ng skuter va velosipedda qochib ketgan bo‘lishi mumkin.