Ozarbayjon Bosh prokuraturasi Rossiyaning uch nafar fuqarosi — «Moskva 24» telekanali boshlovchisi Ivan Knyazev, siyosiy maslahatchi va media eksperti Semyon Uralov hamda jurnalist, Rossiya transport vazirining maslahatchisi Aleksey Chadayevni xalqaro qidiruvga berdi. Prokuratura ma’lumotlariga ko‘ra, ular Uralovning YouTube-kanalida 14 iyul va 13 avgust kunlari bo‘lib o‘tgan efirlarda Ozarbayjonga qarshi zo‘ravonlik harakatlariga, konstitusiyaviy tuzumni o‘zgartirish va mamlakat hududiy yaxlitligini buzishga, shuningdek, milliy adovat va terrorizmni targ‘ib qilishga chaqirgan.
Uchalasiga nisbatan terrorizmga, davlatga qarshi harakatlarga ommaviy chaqiriqlar va milliy adovatni qo‘zg‘atish moddalari bo‘yicha jinoiy ishlar qo‘zg‘atilgan. Ayblanuvchilar Ozarbayjondan tashqarida bo‘lgani sababli, sud ularni hibsga olish chorasini tanlagan.
Muhojirlar ketmoqda — Moskva esa qaytishga chaqirmoqda
Surxondaryoda 3700 yillik qabrlar o‘rganilmoqda
"Men hech qachon 102-harbiy bazani Armanistondan olib chiqish masalasini ko‘tarmaganman"
