O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining taklifiga binoan joriy yilning 14 aprel kuni Ozarbayjon Respublikasi Moliyaviy monitoring xizmati Boshqaruv Raisi Zaur Fatizada boshchiligidagi delegasiya O‘zbekistonga tashrif buyurdi.
Tashrif doirasida Bosh prokuror o‘rinbosari – Departament boshlig‘i Shamsiddin Soxibnazarov va Ozarbayjon Respublikasi Moliyaviy monitoring xizmati Boshqaruv Raisi Zaur Fatizada o‘rtasida uchrashuv bo‘lib o‘tdi.
Konstruktiv muloqot davomida tomonlar jinoiy daromadlarni legallashtirish va terrorizmni moliyalashtirishga qarshi kurashish, shuningdek ikki davlat moliyaviy razvedka bo‘linmalari o‘rtasidagi o‘zaro aloqalarni yanada rivojlantirishning istiqbolli yo‘nalishlarini muhokama qildi.
Shuningdek, Ozarbayjon delegasiyasiga Departament organlarining asosiy faoliyati, xavflarni baholash markazi, jinoiy daromadlarni legallashtirish va terrorizmni moliyalashtirishga qarshi kurashish sohasida amalga oshirilgan islohotlar tanishtirildi.
Bundan tashqari, Ozarbayjon delegasiyasi O‘zbekiston prokuraturasi tarixi muzeyiga tashrif buyurib, idoraning ko‘p yillik tarixi, uning tajribasi va faoliyati bilan yaqindan tanishdilar.
Xitoyliklar orolni egalladi va tark etdi
Yaponiyalik olimlar uzoq umr ko‘rishning oddiy usulini oshkor qildi
Qozog‘iston Xitoyga yer bergani haqiqatmi?
