Eronda ota 35 yoshli erkakni sevib qolganligi uchun 13 yoshli qizini uxlab yotganida shafqatsizlarcha o‘ldirdi. Ma’lumotlarga ko‘ra, ota o‘roq bilan qizining boshini chopib tashlagan.
O‘smir o‘z sevgilisi bilan uydan qochib ketgan, ammo polisiyachilar uni ushlab, oilasiga qaytarishgan. Bu haqda Mirror nashri xabar bermoqda.
Hodisa shimoliy Gilan viloyatining Talesh shahrida yuz bergan. Marhuma Romina Ashrafi otasi uni "sevib qolgan odamga" berishdan bosh tortganidan keyin uydan qochib ketgan.
«Ota-onasi unga diniy sabablarga ko‘ra buni qilishni taqiqlashgan. Qiz uydan qochib, polisiya uni uyiga qaytarguniga qadar sevgilisi bilan besh kun yashirinib yurgan”, deyiladi materialda.
Matbuotda aytilishicha, Ashrafi garchi boshqalarni "uyida xavf ostida qolishi to‘g‘risida" bir necha bor ogohlantirganiga qaramay otasiga topshirilgan.
Qizini o‘ldirganidan keyin ota ixtiyoriy ravishda polisiya bo‘limiga qo‘lida jinoyat quroli bilan kelgan va o‘z qilmishini tan olgan. Ammo bir kundan keyin polisiya uni qo‘yib yuborgan.
Ta’kidlanishicha, Eron shariati qonunlariga ko‘ra, erkak vasiy ayolni uni sharmanda qilgan taqdirda o‘ldirishi mumkin.
Ukraina prezidenti Rossiya bilan muzokaralarga tayyor ekanini aytdi
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
AQShda Ukraina haqida kutilmagan bayonot berildi
