Kamchatka hududining Ossora qishlog‘ida yashovchi erkak onasiga qo‘pol javob qaytargan o‘g‘lining jag‘ini sindirdi. Bu haqda Tergov qo‘mitasi viloyat boshqarmasi saytida xabar berildi.
Tergovchilarning so‘zlariga ko‘ra, 8 yashar bola onasiga gap qaytargach, ota o‘g‘lini kiyimidan ushlab, uni bo‘yi baravar ko‘targan va kuch bilan yerga tashlagan. Keyin yuziga mushtlagan.
Ushbu shaxsga nisbatan Jinoyat kodeksining 112-moddasi 2-qismining "v" bandi ("Qasddan o‘rtacha og‘irlikdagi jarohat yetkazish") bilan ish qo‘zg‘atildi. Bunga qadar unga nisbatan Jinoyat kodeksining 156-moddasi ("Voyaga yetmaganga ta’lim berish bo‘yicha majburiyatlarni bajarmaganlik") bo‘yicha ish qo‘zg‘atilgan.
