Oq uyning sobiq matbuot kotibi Keti Zakariya lavozimini qayta egallash uchun AQSh prezidenti Donald Tramp va uning ma’muriyati e’tiborini jalb qilishga uringani haqidagi xabarlarni rad etdi. U bu haqda TMZ nashriga bergan bayonotida ma’lum qildi.

«Donald Tramp bilan munosabatlarim juda yaxshi, ammo bu voqea butunlay uydirma», — dedi Zakariya. Shuningdek, u jurnalistlarni ochiqdan-ochiq yolg‘on ma’lumot tarqatishda ayblab, bunday xabarlar ommaviy axborot vositalariga nisbatan ishonchsizlikni kuchaytirishini ta’kidladi.

Avvalroq New York Post nashri o‘z manbalariga tayanib, Zakariya prezident Donald Tramp hamda Oq uyning yangi rahbari Stiven Miller e’tiborini jalb qilishga va matbuot kotibi lavozimiga qaytish uchun yana bir imkoniyat olishga harakat qilayotgani haqida xabar bergan edi.

Ma’lumotlarga ko‘ra, Keti Zakariya Oq uy matbuot kotibi etib tayinlanganidan besh kun o‘tib lavozimidan ozod qilingan.