Opta YECHL g‘olibligi uchun jamoalarning imkoniyatlarini taxmin qildi: "PSJ" uchinchi

Chempionlar Ligasida umumiy bosqichning 2-tur o‘yinlari bo‘lib o‘tdi. Faqat oltita jamoa hali ham mag‘lubiyatsiz bormoqda - "Bavariya", "Real", "PSJ", "Inter", "Arsenal" va "Qorabog‘".

Opta superkompyuterining yangilangan hisob-kitoblariga ko‘ra, hozirda turnir g‘olibligi uchun asosiy da’vogar "Arsenal" bo‘lib, uning g‘alaba qozonish ehtimoli 18,1 foizga baholanmoqda. Ikkinchi o‘rinda "Liverpul" (14,7%), uchinchi o‘rinda "PSJ" (14%). Kuchli beshlikka "Manchester Siti" (9,7 foiz) va "Bavariya" (9,5 foiz) ham kirdi.

Oltinchi o‘rindan o‘ninchi o‘ringacha "Barselona" (8,2%), "Real" (5%), "Inter" (3,7%), "Chelsi" (3,5%) va "Nyukasl" (3,1%) klublari bormoqda.