Oltin narxi yana rekord darajaga ko‘tarildi

Seshanba kungi Osiyo sessiyasida oltin narxi yangi rekord darajaga yetdi va 3500 dollarga yaqinlashdi, deya xabar beradi Investing.

04:27 holatiga ko‘ra (GMT), spot oltin 1,7 foizga oshib, bir unsiya uchun 3 482,76 dollarni tashkil etdi, iyun fyucherslari esa 1,9 foizga oshib, unsiyasi 3 491,20 dollarni tashkil qildi.

O‘sishning asosiy omillari geosiyosiy xatarlarning kuchayishi, markaziy banklarning yuqori talabi va inflyasiya bilan bog‘liq davom etayotgan xavotirlar edi, deb yozadi Investing.

Ketma-ket o‘sish AQShning pul-kredit siyosati bilan bog‘liq xavotirlar bilan bog‘liq, ya’ni bu Prezident Tramp Federal zaxira tizimini qayta qurish rejasini e’lon qilganidan keyin sodir bo‘ldi.