“Oltin gumbaz”ni ishlab chiqish AQShga 1,5 trillion dollardan ortiq mablag‘ga tushadi

AQSh prezidenti Donald Tramp tomonidan taklif qilingan “Oltin gumbaz” raketaga qarshi mudofaa tizimini ishlab chiqish AQShga 1,5 trillion dollardan ortiq mablag‘ga tushadi.

Bu haqda AQSh Koinot kuchlari shtabi boshlig‘i, general Bredli Chans Zaltsman ma’lum qildi.

Xavfsizlik konferensiyasida so‘zlagan nutqida u AQSh Kongressi tomonidan asosan kosmik raketalarga qarshi mudofaa tizimi uchun rejalashtirilgan 542 milliard dollarlik byudjet yetarli emasligini aniq aytdi.

"Qo‘shimcha mablag‘ kerak bo‘ladi", dedi general.

Uning ta’kidlashicha, dastur past va o‘rta Yer orbitasida Xitoy va Rossiya kabi dushmanlardan gipertovushli raketalar va boshqa murakkab tahdidlarni aniqlash, kuzatish va yo‘q qilishga mo‘ljallangan sun’iy yo‘ldosh arxitekturasini yaratishni o‘z ichiga oladi.

Zaltsmanning so‘zlariga ko‘ra, "Oltin gumbaz" ni yaratish dasturi hali ishlab chiqish bosqichida. Uning so‘zlariga ko‘ra, asosiy reja tugallangach, u Oq uyning tasdiqlashi uchun Mudofaa vaziri Pit Xegsetga taqdim etiladi.