Joriy yil oktyabr oyi uchun davlat tashkilotlarida ishlovchi xodimlarga byudjet mablag‘lari hisobidan 5,8 trillion so‘m sarflandi. Bu haqda Iqtisodiyot va moliya vazirligi xabar berdi.
Ma’lum qilinishicha, oktyabrda 2 million 478 ming 387 nafar xodimga byudjet mablag‘lari hisobidan 5 trillion 862 milliard 200 million so‘mlik ish haqi va unga tenglashtirilgan to‘lovlar to‘lab berilgan. Xususan:
- Maktab ta’limi xodimlari uchun — 2,2 trillion so‘m (jami to‘lovning 37 foizi);
- Sog‘liqni saqlash yo‘nalishida ishlovchilarga — 1,3 trillion so‘m (23 foiz);
- Maktabgacha ta’lim xodimlariga — 383 milliard so‘m (7 foiz) ;
- Oliy ta’lim vakillariga — 83,9 milliard so‘m (1 foiz);
- Boshqa sohalar xodimlariga 1,9 trillion so‘m (32 foiz) to‘lab berilgan.
Hududlar kesimida olganda ish haqlari uchun eng ko‘p mablag‘ Toshkent shahriga yo‘naltirilgan — 712 milliard so‘m. Eng kam pullar esa Sirdaryo viloyatiga ajratilgan — 180 milliard so‘m.
Qolgan hududlardagi byudjet xodimlariga quyidagicha mablag‘ yo‘naltirilgan:
- Qoraqalpog‘iston — 385,8 milliard so‘m;
- Andijon viloyati — 479,1 milliard so‘m;
- Buxoro viloyati — 344,5 milliard so‘m;
- Jizzax viloyati —251,4 milliard so‘m;
- Qashqadaryo viloyati — 481,6 milliard so‘m;
- Navoiy viloyati — 255,5 milliard so‘m;
- Namangan viloyati — 428,7 milliard so‘m;
- Samarqand viloyati — 587,5 milliard so‘m;
- Surxondaryo viloyati — 429,5 milliard so‘m;
- Toshkent viloyati — 441,6 milliard so‘m;
- Farg‘ona viloyati — 581,9 milliard so‘m;
- Xorazm viloyati — 303,1 milliard so‘m.
