Eron Oliy Rahbari Mojtaba Xomanaiy 28 fevral kuni Tehrondagi qarorgohiga Isroil tomonidan uyushtirilgan havo hujumida yaralangan. Uning yuzida qattiq kuyishlar bo‘lgan, bu esa gapirishni qiyinlashtirmoqda.
Unga plastik jarrohlik amaliyoti kerak bo‘ladi, deb xabar beradi The New York Times Eronning yuqori lavozimli amaldorlariga asoslanib
Gazeta xabariga ko‘ra, Xomanaiy fevral oyining oxiridan beri bir oyog‘ida uchta operasiyani boshdan kechirgan. Gazeta ta’kidlashicha, unga protez oyoq kerak bo‘lishi mumkin. Yaqinda u qo‘l operasiyasini ham boshdan kechirdi. Og‘ir jarohatlariga qaramay, Oliy Rahbar hushyor va faol bo‘lib qolmoqda. NYT xabar berishicha, u qaror qabul qilishni generallariga topshirgan.
Hozirda Xomanaiy audio yoki video xabarlar yo‘llashni istamaydi, chunki u «zaif yoki kuchsiz ko‘rinishni istamaydi». 8 mart kuni lavozimga kirishganidan beri Oliy Rahbar atigi bir nechta yozma bayonotlar bergan va ular ommaviy axborot vositalariga tarqatilgan.
Eron Tashqi ishlar vazirligi janob Xomanaiy omma oldida paydo bo‘lishidan oldin «bir muncha vaqt» o‘tishini ma’lum qildi. AQSh prezidenti Donald Tramp Eron yetakchisi o‘lgan bo‘lishi mumkinligini da’vo qildi. Mojtaba Xomanaiy lavozimga kirishishidan oldin uning otasi Ali Xomanaiy Eronning oliy rahbari bo‘lib ishlagan. U 28 fevral kuni sodir bo‘lgan hujumda halok bo‘lgan.
Tehron Eron kemasini qo‘lga olganidan keyin AQSh harbiy kemalariga hujum qildi
Eron Isroil bilan aloqa qilganligi uchun yuqori lavozimli amaldorni qatl qildi
Eron AQShni “yakuniy jazo” bilan tahdid qildi
