Noyer Germaniya milliy jamoasiga qaytishi mumkin

"Bavariya" darvozaboni Manuel Noyer Germaniya terma jamoasiga qaytish imkoniyatini istisno qilmayapti.

Germaniya futbol ittifoqida rahbarlik lavozimida ishlab kelayotgan Rudi Fyoller 39 yoshli faxriydan kerak bo‘lsa, JCH-2026 oldidan terma jamoaga qaytishga tayyor yoki tayyor emasligini so‘radi. Darvozabon bunday ssenariyni istisno qilmadi, deb yozadi Bayern & Germany. "Bavariya" sardori vaziyatni kuzatib boradi va bahorda yakuniy qarorni qabul qiladi.

Manuel Noyer 2009 yildan 2024 yilgacha Germaniya terma jamoasi safida 124 ta o‘yin o‘tkazgan. Mart oyida futbolchi 40 yoshga to‘ladi, uning "Bavariya" bilan shartnomasi joriy mavsum yakunlangach tugaydi.