Noyer Chempionlar ligasi tarixida eng yoshi katta nemis futbolchisiga aylandi

Myunxenning «Bavariya» klubi Chempionlar ligasi umumiy bosqichining yangi mavsumini o‘z maydonida Norvegiyaning «Budyo-Glimt» jamoasini 5:0 hisobida mag‘lub etib, muvaffaqiyatli boshladi.

Myunxenliklar darvozaboni Manuel Noyer uchrashuvni to‘liq o‘tkazdi va Chempionlar ligasi tarixida maydonga tushgan eng yoshi katta nemis futbolchisiga aylandi. Bu haqda Bayern & Germany xabar berdi.

Uchrashuv vaqtida Noyerning yoshi 40 yosh 167 kunni tashkil qildi. Shu tariqa u vatandoshi Yens Lemanning rekordini yangiladi. Lemann Chempionlar ligasida 40 yosh 127 kunligida maydonga tushgan edi.