Belgiya harbiy bazalari va aeroportlari ustidan dronlar kuzatilayotgani sababli NATO nizomining 4-moddasini qo‘llash imkoniyatini ko‘rib chiqmoqda.
Bu haqda Belgiya mudofaa vaziri Teo Franken ma’lum qildi.
Seshanba kuni mahalliy vaqt bilan taxminan 20:00 da Bryussel xalqaro aeroporti hamda Lyej va Sharlerua aeroportlari osmonda dronlar aniqlangani sababli yopilgan.
Bundan tashqari, Klyayen-Brogel va Floren harbiy bazalari ustida ham dronlar uchgani xabar qilingandi.
Ma’lumot uchun, NATO nizomining 4-moddasi alyans a’zosi bo‘lgan davlatga maslahatlashuvlar o‘tkazishni so‘rash huquqini beradi, 5-moddasi esa a’zo davlatlardan biriga uyushtirilgan hujumni "butun alyansga qilingan hujum" deb hisoblashni nazarda tutadi.
Avvalroq, Belgiyada dronlar sabab aeroportlar faoliyati to‘xtatildi, NATO bazasi ustida ham uchuvchi qurilmalar aniqlangani ma’lum qilingandi.
O‘zbekistonda 4 kishilik oilaning yashashi uchun qancha mablag‘ kerakligi hisoblab chiqildi
Bog‘cha mudirasi ishtirokidagi janjalli vaziyat yuzasidan qaror qabul qilindi (VIDEO)
Rossiya aktivlarining Ukraina foydasiga musodara qilinishiga qarshi chiqqan YEI davlatlari nomlari e’lon qilindi
