Nigeriyada 32 ta noqonuniy neftni qayta ishlash zavodlari yopildi

Nigeriya xom neftni noqonuniy qayta ishlash uchun foydalanilgan 32 ta ob’ektni demontaj qildi. Bu haqda Nigeriya armiyasi vakili Danjuma Jonah Danjuma xabar berdi.

Armiya 6-12 yanvar kunlari mamlakatning neft hududi bo‘lgan Niger deltasida neft kontrabandachilariga qarshi havo amaliyoti o‘tkazdi, dedi u.

Operasiyalar davomida 32 ta korxona vayron qilingan, 21 ta qayiq qo‘lga olingan.

Mamlakatda neftning noqonuniy ishlatilishi Nigeriya iqtisodiyotiga salbiy ta’sir ko‘rsatmoqda.

Nigeriyalik senator Ned Nvoko mamlakatda neft o‘g‘irlashning kuchayishi va quvurlarga hujumlar tufayli 2023 yilda mamlakat 3 milliard dollardan ko‘proq yo‘qotishini aytdi.

Nigeriyaning tasdiqlangan neft zahiralari taxminan 37 milliard barrelni yoki butun dunyoning 3,1 foizini tashkil qiladi.

Nigeriya, dunyodagi eng yirik 15 xom neft ishlab chiqaruvchi davlatlari orasida, dunyodagi eng katta neft zaxiralari bo‘yicha 8-o‘rinni egallaydi va neft eksporti bo‘yicha 6-o‘rinni egallaydi.