Nigeriya prezidenti Tramp bilan nasroniylarning qotilliklarini muhokama qilishga tayyor

Nigeriya prezidenti Bola Tinubu AQShning Nigeriyada "xristianlarni o‘ldirish" ayblovlariga javoban yaqin kunlarda amerikalik hamkasbi Donald Tramp bilan uchrashishga tayyor.

Bu haqda Tinubuning siyosiy kommunikasiyalar bo‘yicha maxsus maslahatchisi Deniel Bvala ijtimoiy tarmoqda yozgan.

"Prezident Bola Tinubu ham, Prezident Donald Tramp ham isyon va terrorizmning barcha shakllariga qarshi kurashishdan manfaatdor”, - dedi Bvala. "Nigeriyadagi terrorchilar faqat nasroniylarni yoki turli diniy e’tiqoddagi odamlarni nishonga olishlari borasidagi kelishmovchiliklarga kelsak, agar mavjud bo‘lsa, bu kelishmovchiliklar yaqin kunlarda Nigeriyadagi prezidentlik saroyida yoki Oq uyda bo‘lib o‘tadigan uchrashuvda ikki lider tomonidan muhokama qilinadi va hal qilinadi."

Avvalroq Tramp Pentagonga nasroniylarni himoya qilish uchun Nigeriyadagi “terrorchilar”ga qarshi ehtimoliy kuchli choralarni tayyorlash haqida ko‘rsatma berganini ma’lum qilgandi.