Niger poytaxti Niamey shahridagi xalqaro aeroport o‘qqa tutildi

Niger poytaxti Niamey shahridagi xalqaro aeroport o‘qqa tutildi. Bu haqda BBC xabar berdi.

Hodisa 29 yanvar, payshanbaga o‘tar kechasi sodir bo‘lgan.

Xabar qilinishicha, Nigerda hokimiyatni egallab turgan harbiy xunta rahbari, general Abdurahmon Tchiani hujumni qaytarishda ko‘rsatilgan harbiy yordam uchun Rossiyaga minnatdorlik bildirgan.

Shu bilan birga, general hech qanday dallilarsiz Fransiya, Benin va Kot-d'Ivuarni ushbu hujumning "homiylari" bo‘lganlikda ayblagan.

Biroq ekspertlar mamlakatda radikal guruhlar faollashayotganini ta’kidlashmoqda. Mazkur hujum uchun javobgarlikni ISHID'ga aloqador guruh o‘z zimmasiga olgan.