Netanyaxu kelgusi hafta AQShga tashrif buyurishi mumkin

AQSh prezidenti Donald Tramp Isroil bosh vaziri Binyamin Netanyaxu bilan suhbatlashgani faktini tasdiqladi, deya xabar beradi TASS.

Reuters xabariga ko‘ra, Donald Tramp Isroil bosh vaziri Binyamin Netanyaxu kelgusi hafta AQShga tashrif buyurishi mumkinligini aytdi.

Bundan tashqari, Amerika yetakchisi Netanyaxu bilan suhbat faktini tasdiqladi. Mumkin bo‘lgan tashrif haqida qo‘shimcha ma’lumot berilmagan.

Avvalroq Isroil bosh vazirining idorasi Budapeshtda bo‘lgan Netanyaxu va Vengriya bosh vaziri Viktor Orban AQSh prezidenti bilan qo‘shma suhbat o‘tkazgani haqida xabar bergan edi. Uning mavzusi Budapeshtning Xalqaro Jinoyat Sudi (ICC) bilan hamkorlikni to‘xtatish haqidagi qarori edi.