Netanyaxu: "Bu Suriya rejimiga aniq signaldir"

Isroil bosh vaziri Benyamin Netanyaxu mamlakat armiyasi Suriya poytaxti Damashqdagi Ahmad al-Shara prezidentlik saroyi yaqinidagi nishonga hujum qilganini ma’lum qildi. Bu haqda The Times of Israel nashri xabar bermoqda.

"Bu Suriya rejimiga aniq signaldir. Biz Damashq janubiga qo‘shinlar yuborilishiga yoki druzlar jamoasiga tahdid solishiga yo‘l qo‘ymaymiz", - deya bosh vazirning so‘zlaridan iqtibos keltiradi nashr.

1 may kuni Isroil mudofaa vaziri Isroel Kas agar yangi hukumat Suriyadagi druzlar jamoasiga qarshi hujumlarning oldini ololmasa, davlat kuch bilan javob berishini aytdi. Uning so‘zlariga ko‘ra, 30 aprel kuni Suriyada druzlarga qarshi hujumlardan so‘ng u va bosh vazir IDga ekstremistlarga qarshi oldingi zarbalar berishni buyurgan.