Isroil bosh vaziri Binyamin Netanyaxu 7 may kuni Ozarbayjonga tashrif bilan boradi. Bu haqda Isroil bosh vaziri idorasiga tayanib The Times of Israel nashri xabar berdi.
Ma’lumotlarga ko‘ra, Netanyaxuning tashrifi 11 mayga qadar davom etadi.
Qayd etilishicha, 8 may kuni Netanyaxu Ozarbayjon prezidenti Ilhom Aliyev va yahudiy jamiyati a’zolari bilan uchrashadi.
Shuningdek, nashrning ta’kidlashicha, Ozarbayjon Gaagadagi Xalqaro jinoiy sudning a’zosi emas, shuning uchun Netanyaxuning hibsga olinishi xavfi yo‘q.
"Kan" ma’lumotlariga ko‘ra, tashrif davomida Netanyaxu Ozarbayjon prezidenti Ilhom Aliyev bilan ikki davlat o‘rtasidagi aloqalarni mustahkamlash masalalarini muhokama qiladi.
Isroil bosh vazirining Ozarbayjonga avvalgi tashrifi 2016 yilda bo‘lgan.
Xitoyliklar orolni egalladi va tark etdi
Rossiya tez orada g‘ururdan portlab ketadi
Rossiya Hindiston va Pokistonga murojaat qildi
