Bu haqda Navoiy viloyati Ekologiya boshqarmasi matbuot xizmati xabar berdi.
Xabarga ko‘ra, Xatirchi tumani Ekologiya, atrof-muhitni muhofaza qilish va iqlim o‘zgarishi bo‘limi davlat inspektorlari tomonidan navbatdagi nazorat reyd tadbiri o‘tkazilgan.
Tadbir davomida tuman hududida yashovchi fuqaro U.X tomonidan tumaning «Alisher Navoiy» MFY hududida bir tup qurigan tol daraxtini ruxsatnomasiz kesib tashlanganlik holati aniqlangan.
Ushbu holat yuzasidan huquqbuzarga nisbatan, O‘zbekiston Respublikasi MJtKning 79-moddasi 1-qismiga asosan bayonnoma rasmiylashtirilib, 8 mln 500 ming so‘m jarima belgilangan.