NATO Bosh kotibi: "Rossiya o‘q-dorilarni ishlab chiqarish bo‘yicha Shimoliy Atlantika ittifoqining barcha mamlakatlaridan bir necha barobar ustundir"

NATO Bosh kotibi Mark Ryuttening ta’kidlashicha, Rossiya uch oy ichida Shimoliy Atlantika ittifoqining barcha mamlakatlari bir yilda ishlab chiqaradigan o‘q-dorilardan uch barobar ko‘p o‘q-dorilarni ishlab chiqaradi.

"Biz ulkan geosiyosiy muammoga duch kelyapmiz. Va birinchi navbatda, biz zamonaviy tarixda misli ko‘rilmagan sur’at va tezlikda tiklanayotgan Rossiya haqida gapiryapmiz" - dedi Ryutte The New York Times gazetasiga bergan intervyusida.

NATO bosh kotibiga ko‘ra, agar blok yalpi ichki mahsulotning atigi 2 foizini harbiy ehtiyojlarga sarflashda davom etsa, o‘zini himoya qila olmaydi. U NATO davlatlarini mudofaa sanoati bazasi va kiberxavfsizlikni rivojlantirishga chaqirdi.

Mark Ryutte yalpi ichki mahsulotning 5 foiziga erishish katta xarajatlarni talab qilishini ta’kidladi. "Agar buni qilmasak, rus tilini o‘rganishga majbur bo‘lamiz", deya qo‘shimcha qildi alyans bosh kotibi.

Gaagadagi sammit yakunlari bo‘yicha NATO davlatlari 2035 yilga kelib mudofaa xarajatlarini YAIMning 5 foizigacha oshirishga kelishib oldilar. Strategik vaziyatni hisobga olgan holda maqsadlarni qayta ko‘rib chiqish 2029 yilga mo‘ljallangan.