NASA ham sinov o‘tkazdi: tovushdan tez uchadigan va shovqinsiz reaktiv X-59 Supersonic samolyoti

Bu haqda Reuters xabar bermoqda.

Xabar berilishicha, 28 oktyabr kuni Lockheed Martin kompaniyasi tomonidan NASA uchun ishlab chiqilgan X-59 zamonaviy samolyoti Qo‘shma Shtatlarning Los-Anjeles shahridan taxminan 100 km shimolda joylashgan Skunk Works zavodining uchish-qo‘nish yo‘lagida sinovdan o‘tkazilgan. X-59 Supersonic samolyotining o‘ziga xos shakli – havo to‘siqlarini yorishdagi portlash kabi tovushni “mashina eshigini yopilgandagi kabi past darajaga” tushiradi.

Samolyot uchish-qo‘nish yo‘lagidan tik ko‘tarilganidan so‘ng, bir soat parvoz qilgan va NASA Air parvoz tadqiqot markazi yaqiniga xavfsiz qo‘ngan.

Ma’lumotlarga ko‘ra, NASA 2018 yildan beri X-59 ni ishlab chiqish va namoyish qilish uchun Lockheed Martin kompaniyasiga 518 million dollardan ko‘proq pul to‘lagan.