Namangan viloyatida elektr energiyasidan noqonuniy foydalangan “Mayning ferma” fosh etildi

O‘zenergoinspeksiya Namangan viloyat hududiy boshqarmasi, DXX va IIB bilan hamkorlikda o‘tkazilgan tezkor tadbirda Chust tumanida istiqomat qiluvchi fuqaro X. N. ga qarashli xonadonda 2 dona mayning qurilmasini transformatorga to‘g‘ridan-to‘g‘ri ulab, noqonuniy foydalanib kelayotganligi aniqlandi.

Ushbu qoidabuzarlik natijasida dastlabki hisob-kitoblarga ko‘ra elektr ta’minoti korxonasiga 653 million so‘mlik zarar yetkazilganligi ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.