Namangan viloyat adliya boshqarmasiga yangi rahbar tayinlandi. Ushbu lavozimga adliya vazirining tegishli buyrug‘i bilan Dilmurod Toxirjonovich Ahmedov tayinlandi.
Dilmurod Ahmedov 1984-yilda Namangan viloyati, To‘raqo‘rg‘on tumanida tug‘ilgan. Ma’lumoti oliy, 2007-yil Namangan davlat universitetini tamomlagan, huquqshunos.
U o‘z mehnat faoliyatini 2007-yilda Namangan viloyat adliya boshqarmasi Shartnomaviy-huquqiy ishlarni nazorat qilish bo‘limi katta maslahatchisi lavozimidan boshlagan va hozirgacha adliya organlarida turli mas’ul lavozimlarda faoliyat yuritgan.
2021-yildan hozirgi vaqtga qadar Namangan viloyat adliya boshqarmasi boshlig‘i o‘rinbosari lavozimida ishlab kelayotgan edi.
