Yarim himoyachi Muhammad Rashid Falastin terma jamoasi JCH—2026da ishtirok etishini istamoqda.
“Bu orzu, katta orzu. Biz hammamiz buni juda xohlaymiz, hech bo‘lmaganda bunga yaqinlashishni xohlaymiz. Chunki bu bizga Falastinni butun dunyoga e’lon qilish imkoniyatini beradi. Jahon chempionati buning uchun eng katta platforma hisoblanadi.
Bu futbol, bu yerda hamma narsa bo‘lishi mumkin. Ammo bunga erishish uchun ko‘p ishlarni qilishimiz kerak.
Muxlislar tomonidan qo‘llab-quvvatlashni ko‘rish biz uchun katta motivasiya. Urush davom etayotgan bo‘lsa ham, G‘azo va butun Falastinda o‘yinlarni tomosha qilayotgan odamlarning suratlarini ko‘rasiz. Bu bizga katta umid baxsh etadi. Umid qilamanki, bu bizni davom etishga undaydi. Biz hududda tinchlik hukm surishi uchun ibodat qilamiz”, — dedi yarim himoyachi The Guardian nashriga bergan intervyusida.
Jamoa saralashning ikkinchi bosqichidagi beshta o‘yindan so‘ng jamoa Avstraliya, Livan va Bangladesh bilan guruhda ikkinchi o‘rinni egallab turibdi. Falastin tarixda birinchi marta saralashning uchinchi bosqichga chiqishini kafolatlagan. Falastin terma jamoasi bugun, 11 iyun sanasida Avstraliyaga qarshi maydonga tushadi.
Mayk Tayson duch kelishni istamaydigan yagona jangchini aytdi: «Unga nisbatan hech kimda imkoniyat yo‘q»
Boks bo‘yicha jahon chempioni Salim Abduvaliyev bilan aloqadorlikda ayblandi
«Ular menga nisbatan yomon munosabatda bo‘lishdi» - Krishtianu Ronaldu
