Moldova polisiyasi saylovchilarning poraxo‘rlik holatlari yuzasidan 13 ta tumanda tintuv o‘tkazmoqda

Moldova huquq-tartibot idoralari prezidentlik saylovlarida saylovchilardan pora olish bo‘yicha jinoiy ishlar doirasida 13 ta tumanda tintuv o‘tkazmoqda.

Bu haqda Polisiya Bosh komissarligi matbuot xizmati ma’lum qildi.

Payshanba kuni, shuningdek, mamlakatning olti viloyatida "Pobeda" muxolifat bloki faollari uylarida ham tintuvlar o‘tkazildi. Tergovchilarning fikricha, ular "saylov natijalariga ta’sir ko‘rsatish maqsadida noqonuniy manbalardan" oylik to‘lovlarni olishadi.

Umuman olganda, oktyabr oyida 1 mingdan ortiq odam ustidan tintuv o‘tkazilgan, ulardan o‘nlab kishilar qo‘lga olingan. "Pobeda" bloki rahbari Ilan Shor rasmiylarning ayblovlarini asossiz va tintuvlarni saylovoldi ishi deb atadi.

20 oktyabr kuni bo‘lib o‘tgan ovoz berishning birinchi bosqichi natijalariga ko‘ra, 42,49 foiz ovoz olgan amaldagi prezident Mayya Sandu va 25,95 foiz ovoz to‘plagan sobiq bosh prokuror Aleksandr Stoyanoglo ikkinchi turga yo‘l oldi.