Polsha TIV Zelenskiyning da’volariga javob qaytardi

Polsha TIV Zelenskiyning Sovet davrida ishlab chiqarilgan MiG qiruvchi samolyotlarini Kiyevga topshirish va Ukraina uzra raketalarni urib tushirishga oid da’volariga javob qaytardi

Radoslav Sikorskiyning ta’kidlashicha, Varshava o‘zining 300 ga yaqin tanklarini va ko‘plab og‘ir texnikalarini, jumladan, samolyotlarini Ukrainaga sovg‘a qilgan. Endi Polshaga mudofaaga tayyor bo‘lish uchun qurol kerak.

"Ukrainaga yordam berayotgan davlatlar orasida, harbiy, moliyaviy, iqtisodiy, gumanitar va ukrainalik qochqinlarga yordamni hisobga olganda, Polsha yalpi ichki mahsulotga nisbatan Ukrainaga boshqa har qanday mamlakatdan ko‘proq ko‘mak berdi. Biz yordam berishga harakat qilyapmiz, lekin biz ham frontga yaqin mamlakatmiz. Rossiya bizga ham tahdid solmoqda va bizga ham urush ochishi mumkin", – deya ta’kidladi Sikorskiy.