Misrning Xurgada shahri qirg‘oqlari yaqinida 45 nafar rossiyalik turist bo‘lgan batiskaf halokatga uchradi, qurbonlar bor, deb xabar berdi bosh konsullik o‘zining Telegram-kanalida.
Xabarga ko‘ra, 27 mart kuni soat 10:00 atrofida qirg‘oqdan bir kilometr uzoqlikda “Sindbad” sayyohlik batiskafi bilan halokat yuz berdi. Batiskaf xuddi shu nom bilan ataluvchi mehmonxonaga tegishli. Bortda ekipajdan tashqari 45 nafar sayyoh, jumladan, voyaga yetmaganlar ham bo‘lgan. Ularning barchasi Rossiya fuqarolari, “Biblio Globus” kompaniyasining turistlaridir.
Qayd etilishicha, kema marjon rifini kuzatish uchun muntazam suv osti ekskursiyasini amalga oshirgan, deb xabar beradi ria.ru.
Shu bilan birga, bosh konsul Viktor Voropayev RIA Novosti bilan suhbatda qurbonlarning fuqaroligi hali aniqlanayotganini ma’lum qildi.
Halok bo‘lganlar soni olti kishiga yetdi, deb xabar berdi Misrning Youm7 nashri.
Surxondaryoda pomidorni shpaklyovkaga "aylantirishdi"
Ukrainalik asir: "Ukraina Qurolli kuchlari qariyb uch yildan beri xorijiy snaryadlardan foydalanib kelmoqda"
AQSh mudofaa vazirining qo‘lida arabcha yozilgan tatuirovka bormi?
