Microsoft "Falastin" so‘zini taqiqladi

Microsoft ichki xatlarda "Falastin" so‘zini ishlatishni taqiqladi.

Microsoft kompaniyasi Isroil harbiy kuchlari bilan aloqalari tufayli xodimlarning norozilik bildirishidan so‘ng "Falastin", "G‘azo" va "genosid" so‘zlari mavjud bo‘lgan ichki elektron xatlarni blokladi, deb xabar bermoqda Drop Site.

• No Azure for Apartheid faollar guruhi ta’kidlashicha, bu so‘zlar qo‘llanilgan elektron xatlar sezdirmasdan filtrlanyapti.
• Microsoft o‘zini himoya qilib, ichki tekshiruv G‘azodagi tinch aholiga hech qanday zarar yetkazilmaganini aniqladi, dedi, ammo kompaniya hisobotni e’lon qilmasligini ma’lum qildi.
• Kompaniyaning Isroil bilan tuzgan shartnomalariga qarshi norozilik bildirgan xodimlar ishdan ketmoqda. Yirik texnologiya kompaniyalari ichida keskinlik kuchaymoqda.

Ichki hujjatlarga ko‘ra, Microsoft 2023 yil 7 oktyabrdagi hujumlardan so‘ng tez orada mudofaa xarajatlari oshishini bashorat qilib, Isroil harbiy kuchlariga xizmat ko‘rsatishni boshlagan. Ko‘p o‘tmay Isroil Microsoft’ning 500 ta eng yirik mijozlari qatoriga kirdi.