10 sentyabr kuni Mexiko shahrida suyultirilgan gaz tashuvchi yuk mashinasi portlashi oqibatida halok bo‘lganlar soni 15 kishiga yetdi, 38 kishi hamon kasalxonada qolmoqda.
Bu haqda Meksika poytaxti sog‘liqni saqlash vaziri Nadin Gassman ma’lum qildi.
"Bizga hozirgina yana bir kishi halok bo‘lgani haqida ma’lum bo‘ldi, shu bois qurbonlar soni 15 nafarga yetdi", — deya rasmiy so‘zlaridan iqtibos keltirmoqda OAV.
Uning qo‘shimcha qilishicha, 38 kishi shifoxonalarda qolmoqda, ulardan 14 nafari og‘ir ahvolda, ko‘plab kuyishlar jarohati olgan.
10 sentyabr kuni Mexiko shahrining Iztapalapa tumanidagi avtomagistral kesishmasida suyultirilgan gaz yuk tashuvchi yuk mashinasi portlab ketdi. Yong‘in oqibatida 20 dan ortiq avtomobil yonib ketgan, yaqin atrofdagi binolar zarar ko‘rgan.
