Og‘ir vazn toifasida sobiq jahon chempioni Mayk Tayson bokschilik faoliyatidan oldin ham, davomida ham Muhammad Alini o‘ziga qahramon tutgan va u atigi 15 yoshida mashhur jangchiga bir va’da berganini ma’lum qildi.
Mayk Tayson atigi 15 yoshida bokschilik faoliyatini boshlaganida afsonaviy Muhammad Aliga u uchun «qasos olishga» va’da bergan.
All The Smoke Fight podkastida so‘zlagan Tayson shunday dedi: «1980 yil 2 oktyabrda Larri Xolms Alini mag‘lub etdi. Ertasi kuni ertalab Ali va Kas [D’Amato] telefonda gaplashishdi. Shunda u aytdi: ’Menda 15 yoshli qora tanli bola bor, u jahon chempioni bo‘ladi, u bilan gaplash, uning ismi Mayk Taysonʼ.
Men esa: ’Katta bo‘lganimda, sizning o‘chingizni olamanʼ, dedim. U aytganlarimga uncha e’tibor bermadi. Men uning uchun ikkalasini ham [Larri Xolms va Trevor Berbikni] yengdim.»
Tayson Aliga bergan va’dasida turdi. U 1986 yilda Las-Vegasda atigi 20 yoshida Berbikni texnik nokaut bilan,1988 yil yanvarida Xolmsni nokaut bilan yengdi.
Saudiya Arabistoni xazina topdi, neft konlarida «oq oltin» aniqlandi
Rossiya olti davlat elchixonalariga hujum qildi
Dollarning so‘mga nisbatan yangi qiymati ma’lum bo‘ldi
