Mask SpaceX bilan birgalikda "Yulduzli yo‘l"ni jonlantirishni xohlayotganini aytdi

Amerikaning SpaceX kompaniyasi "Star Trek" ilmiy-fantastik teleserialidagi qahramonlar tomonidan qo‘llaniladigan texnologiyalarni hayotga tatbiq etishni maqsad qilgan.

SpaceX bosh direktori Ilon Mask bu haqda Texasdagi Starbase kosmik portida e’lon qildi.

"Men sizga SpaceXning maqsadi haqida gapirib beraman. Biz "Star Trek"ning haqiqatga aylanishini istaymiz", dedi u. "Bir paytlar ilmiy fantastika ilmiy haqiqatga aylanadi va kemalar kosmosda sayohat qila boshlaydi, odamlarni tashiydigan katta kemalar boshqa sayyoralarga boradi va oxir-oqibat bizning Quyosh tizimimizdan tashqariga chiqadi".

Maskning qo‘shimcha qilishicha, kompaniya "bortida ko‘p sonli odamlar bo‘lgan, hech qachon bo‘lmagan joylarga sayohat qiladigan futuristik kosmik kemalarga" ega bo‘lishni xohlaydi.