Mashhadda Basij a’zolariga hujum qilindi

Eronning Mashhad shahrida noma’lum shaxslar Basij milisiyasi a’zolariga qarata o‘t ochishdi, natijada ikki kishi halok bo‘ldi.

Bu haqda Islom inqilobi qo‘riqchilari korpusi (IIQK) o‘zining Telegram-kanalida e’lon qilgan bayonotida ma’lum qildi.

"Maqbara ichida ham otishma ovozlari eshitildi", deyiladi bayonotda. Otishma Fakuri bulvarida sodir bo‘lgan.

Harbiy forma kiygan ikki noma’lum shaxs Basij milisiyasi a’zolari guruhiga to‘pponchadan o‘q uzdi.

"Natijada ulardan biri voqea joyida, ikkinchisi kasalxonada vafot etdi.

Hujumchilar qochib ketishdi. Xavfsizlik kuchlari ushbu terroristik hujum uchun javobgarlarni aniqlash va hibsga olishda davom etmoqda", deyiladi bayonotda.

Avvalroq Mashhadda sobiq oliy rahbar Ali Xomeneyning dafn marosimi yakunlangan edi. U Imom Rizo maqbarasiga dafn etilgan.