Markaziy bank bir mijozga beriladigan bank kartalari sonini vaqtincha chekladi. Endi bir bankda 5 tagacha, jami esa 20 tagacha, shu jumladan, virtual va kobeydjing kartalarini (valyuta kartalaridan tashqari) olish mumkin.
Qayd etilishicha, markaziy bank tomonidan «banklar tomonidan bitta jismoniy shaxsga (bitta JSHSHIRga) kartalar sonini bitta bankda 5 tagacha, barcha banklarda 20 tagacha emissiya qilish mumkinligi» bo‘yicha vaqtinchalik tartib ishlab chiqilgan.
Bunda kartalar soni virtual va kobeydjing kartalarini inobatga olgan holda belgilangan (chet el valyutasida ochilgan bank kartalariga tatbiq etilmaydi). Mazkur tartib xizmat doirasida foydalanish uchun bo‘lib, u tijorat banklariga ijro uchun jo‘natilgan.
Tartibni amal qilish muddati 2025 yilning 1 yanvaridan 31 dekabriga qadar etib belgilangan.
Alisher Qodirov Qonunga qarshi ovoz bergan hamkasblariga murojaat qildi: “Iste’molchining 3 tadan 2 tasi yoshlar. Yarmi qizlar”
Menga qancha pensiya chiqar ekan? yoki bo‘lajak pensionerlarga tavsiyalar
Gulnora Karimova manzil koloniyaga o‘tkazildi
