"Manchester Siti" sobiq futbolchisi uchun 170 million yevro to‘lashga tayyor

"Manchester Siti" tarkibni kuchaytirish ustida ishlamoqda. "Shaharliklar" hujumkor yarim himoyachi Koul Palmerni ortga qaytarmoqchi.

2023 yilda Palmer ko‘proq o‘ynash uchun "Chelsi"ga yo‘l oldi. So‘nggi ikki mavsumda futbolchi jiddiy ravishda yaxshilandi va endi uni ushbu avlodning eng yaxshi ingliz futbolchilaridan biri deb atashadi.

Fichajes ma’lumotlariga ko‘ra, Xosep Gvardiola haqiqatan ham Palmerni qaytarishni xohlaydi. "Manchester Siti" futbolchi uchun 170 million yevro miqdoridagi katta mablag‘ to‘lashga tayyor.

Shu bilan birga, "Chelsi" 23 yoshli Koul Palmerni jamoa yetakchisi sifatida ko‘radi va uni qo‘yib yuborishni istamayapti.