«Manchester Siti» «Chelsi» bilan o‘yinda so‘nggi daqiqalarda g‘alabani qo‘ldan chiqardi. Husanov ikkinchi bo‘limda maydonga tushdi

Angliya Premyer-ligasi-2025/2026 yilgi mavsumi 20-turidan o‘rin olgan "Manchester Siti" - "Chelsi" uchrashuvi yakuniga yetdi. Bahsda 1:1 hisobi qayd etildi.

42-daqiqada Tidjani Reynders "shaharliklar"ni hisobda oldinga olib chiqdi. 90+4-daqiqada Enso Fernandes javob golini urdi.

"Shaharliklar"ning o‘zbekistonlik himoyachisi Abduqodir Husanov 51-daqiqada jarohat olgan Yoshko Gvardiol o‘rniga maydonga tushdi.

Ushbu o‘yindan so‘ng "Manchester Siti" 42 ochko bilan APL turnir jadvalida 2-o‘rinda bormoqda. "Chelsi" 31 ochko bilan beshinchi o‘rinda bormoqda.

Keyingi turda "shaharliklar" 7 yanvar kuni o‘z maydonida "Brayton"ni qabul qiladi, "ko‘klar" shu kuni "Fulxem" bilan kuch sinashadi.

Manchester Siti - Chelsi - 1:1

Gollar: Reynders, 42 (1:0). Fernandes, 90+4 (1:1)

Manchester Siti: Donnarumma, Ruben Diash (Ake, 81), Gvardiol (Abduqodir Husanov, 51), O`Rayli, Mateus Nunes, Rodri, Reynders (Doku, 70), Bernardu Silva, Sherki, Foden, Xolann

Chelsi: Yergensen, Badiashile, Chaloba, Gyusto, Achimpong (Xato, 62), Fernandes, Djeyms, Palmer, Pedru Netu, Estevan (Santos, 46), Joao Pedro (Delap, 62)

Ogohlantirishlar: Ruben Diash, 54. Mateus Nunes, 79. Bernardu Silva, 90 - Djeyms, 52. Delap, 79. Fernandes, 90