Malida sodir bo‘lgan yo‘l-transport hodisasida 14 kishi halok bo‘ldi

Payshanba kuni ertalab Malining markazida sodir bo‘lgan yo‘l-transport hodisasida 14 kishi halok bo‘ldi va 29 kishi jarohat oldi, ulardan to‘qqiz nafari og‘ir. Bu haqda mamlakat Transport va infratuzilma vazirligi bayonotida aytiladi.

Hodisa ertalab soat 6 lar atrofida Fugani qishlog‘i yaqinidagi 6-milliy yo‘lda sodir bo‘lgan. Poytaxt Bamakoga ketayotgan avtobus qarama-qarshi yo‘nalishda harakatlanayotgan yuk mashinasi bilan to‘qnashib ketgan.

Barcha jabrlanganlar shifoxonaga yetkazilgan. Hodisaning aniq holatlarini aniqlash uchun tergov harakatlari olib borilmoqda.