Malayziya Isroil bilan diplomatik aloqalarni uzishni talab qilmoqda

Malayziya bosh vaziri Anvar Ibrohim Dohada bo‘lib o‘tgan arab va islom davlatlari sammitida Isroil bilan diplomatik va savdo aloqalarini uzish hamda G‘azoga yo‘l olgan Global Sumud flotiliyasini qo‘llab-quvvatlashga chaqirdi.

Siyosatchi Isroilning Qatar poytaxtiga qilgan havo hujumlarini keskin qoralab, buni «hudud xavfsizligiga tahdid soluvchi beaqlcha provokasiya» deb atadi.
«G‘azo ko‘z o‘ngida yo‘q qilinyapti. Uning xalqi mislsiz vayronalikni boshidan kechirmoqda: oilalar yer yuzidan o‘chirilyapti, shifoxonalar vayron bo‘lgan, bolalar vayrona ostidan chiqarilayapti», — dedi u.

Anvar Ibrohimga ko‘ra, Isroilning Falastin davlatini tanihishdan bosh tortgani — bu «doimiy aparteid e’loni» va BMT rezolyusiyalari hamda xalqning o‘z taqdirini belgilash huquqini inkor etish demakdir.

U Sumud flotiliyasini qo‘llab-quvvatlash zarurligini ta’kidladi:
«Bu — rahm-shafqat missiyasidir va biz uni manziliga yetib borishi uchun barcha harakatni qilishimiz kerak», — dedi u.

Anvar Ibrohim ta’kidlashicha, faqat bayonotlar bilan cheklanib bo‘lmaydi:
«Qoralashlar raketa yog‘dirani to‘xtatmaydi, deklarasiyalar Falastinni ozod qilmaydi. Qat’iy choralar ko‘rish kerak: diplomatik va savdo aloqalarini to‘xtatish lozim», — deb xulosa qildi Malayziya bosh vaziri.