Maktabdagi hujum yuzasidan tergov: Sakkizinchi sinf o‘quvchisi otasining qurolidan foydalangan

Turkiyada maktabga hujum qilgan sakkizinchi sinf o‘quvchisining otasi polisiya tomonidan qo‘lga olindi, deb xabar bermoqda "Milliyet" nashri.

«Bosh prokuratura mazkur holat yuzasidan tergov harakatlarini boshladi... Tergov doirasida hujum qilgan shaxsning otasi hibsga olindi», — deyiladi materialda.

Taxminlarga ko‘ra, sakkizinchi sinf o‘quvchisi otasiga tegishli bo‘lgan qurolni olib, maktabga kelgan va o‘t ochgan. Mahalliy hokimiyat ma’lumotlariga ko‘ra, u ikkita sinfga hujum qilgan.