Bola tarbiyasidagi asosiy xato va kamchiliklarimiz dindan umumiy uzoqlashish oqibatida paydo bo‘lgan desak, xato qilmaymiz. Bolaga halol-haromni, uvol-savobni, oqu qorani tanish uchun dinga muhtojmiz. Zotan, bolaga dinsiz tarbiya berishga urinish, uni tarbiyadan mahrum qilish demakdir. XIX asrda yashagan mashhur fransuz adibi va faylasufi Viktor Gyugo: “Ta’lim din asosida bo‘lishi lozim, shundagina yaxshi odamlar yetishadi”, degan edi.
Bugun eshitgan bir xushxabarni sizlarga ulashmoqchimiz. Sirdaryo viloyatidagi maktablardan birida 11-sinf qizlari sinfdosh yigitlarni Vatan himoyachilari kuni bilan tabriklashibdi. Sovg‘a odatdan tashqari: har bir bolaga bittadan joynamoz.
Mashaalloh, qanday ham ajoyib sovg‘a. Alloh shu o‘g‘il-qizlarimizning diliga solganing – imonlarini ziyoda et, dunyoviy va oxirat ilmlarining olimu olimalari etib yetishtirgin!
Manba: azon.uz
