Makron aralashuv ayblovlarini rad etdi

Emmanuel Makron Armaniston va Moldovadagi siyosiy kuchlarni qo‘llab-quvvatlashini aralashuv deb hisoblamasligini bildirdi.

Bu haqda u Nikol Pashinyan bilan uchrashuvdan so‘ng o‘tkazilgan matbuot anjumanida aytdi.

Makronning ta’kidlashicha, yashirin tarzda axborot manipulyasiyasi orqali mamlakat ichki ishlariga ta’sir o‘tkazish bilan ochiq siyosiy pozisiya bildirish o‘rtasida farq bor.

Shuningdek, u Fransiya rahbari sifatida ishonchli hamkorlarni qo‘llab-quvvatlash uchun javobgar ekanini ta’kidlab, Mayya Sanduni misol sifatida keltirdi.