Madriddagi hukumatga qarshi namoyishda o‘n minglab odamlar ishtirok etdi

Madrid markazida Ispaniya bosh vaziri Pedro Sanches hukumati va hukmron Sosialistik ishchilar partiyasiga qarshi norozilik namoyishi bo‘lib o‘tdi.

The Guardian nashri xabar berishicha, namoyishni muxolifatdagi Xalq partiyasi tashkil qilgan. Mintaqadagi markaziy hukumat delegasiyasiga ko‘ra, mitingda 45-50 ming kishi ishtirok etgan. Tashkilotchilar 100 000 namoyishchini e’lon qildi.

Ommaviy norozilikka hukumat, bosh vazir atrofidagilar va uning oila a’zolariga tegishli korrupsiya mojarolari sabab bo‘ldi. Xalq partiyasi yetakchisi Alberto Nunyes Feyxoo namoyishchilarga murojaat qildi. U fuqarolarni "demokratiya bilan hisob-kitob qilishga va saylovlar o‘tkazishga" chaqirdi. Partiya rahbari yangi saylovlar hozir o‘tkazilishi kerakligini ta’kidladi.

Shu bilan birga, hukmron Ispaniya Sosialistik ishchilar partiyasi vakillari mitingni "muvaffaqiyatsizlik" deb baholadi. Mamlakat ta’lim vazirligi rahbari Pilar Alegriya "Estopa" musiqiy guruhi Feyxoodan ko‘ra ko‘proq tomoshabinlarni jalb qilishini ta’kidladi. Bu Feyxoo siyosiy kuchi tomonidan tashkil etilgan oltinchi aksiyadir. 10 may kuni Madridda Ispaniya bosh vazirining iste’fosi uchun norozilik namoyishlari bo‘lib o‘tdi, unda 25 mingga yaqin odam ishtirok etdi.