Loviya keng qatorlab ekiladi. Qator oralari 60-70 sm kenglikda bo‘ladi. Ekish normasi gektariga 40-50 kg. Ekish chuqurligi 4-5 sm.
Loviya maysalari unib chiqqandan keyin yuqori agrotexnika asosida parvarishlanadi. Urug‘lar to‘liq unib chiqqandan keyin birinchi kultivasiya o‘tkaziladi. O‘suv davrida 3 marta kultivasiya qilinadi.
Loviyaning pastki barglari sarg‘aya boshlab dukkaklari 60% yetilganda yig‘ishtirishga kirishiladi. Loviya dukkaklari to‘kilib nobud bo‘lmasligi uchun albatta urug‘lar toza pishib yetilmasdan burun SK-4 kombaynlari bilan yig‘ishtirib olinadi.
Saralangan don yopiq, yaxshi shamol aylanadigan xonalarga to‘kib yoki qoplarda saqlanadi. Saqlashda namlik 12-14% ortiq bo‘lmasligi kerak.
