"Liverpul"da 16 yoshli yulduz porlashni boshladi

16 yoshli Rio Ngumoa jamoasi safidagi ilk goli bilan "Liverpul"ga g‘alaba keltirdi.

Angliyalik vinger "Nyukasl"ga qarshi o‘yinda (3:2) ikkinchi bo‘limga qo‘shib berilgan 6-daqiqada Kodi Gakponing o‘rniga maydonga tushdi va 100-daqiqada g‘alaba to‘pini kiritdi.

Bu futbolchining kattalar darajasidagi ikkinchi rasmiy o‘yini edi. U "qizillar"ning asosiy jamoasidagi debyutini 11 yanvar kuni Angliya kubogi doirasida "Akkrington"ga qarshi o‘yinda (4:0) o‘tkazdi.

Ngumoa 2024 yilning yozida "Chelsi"dan "Liverpul"ga o‘tgandi.