Livan Sog‘liqni saqlash vazirligi ma’lumotiga ko‘ra, 2 martdan buyon Isroil hujumlari natijasida halok bo‘lganlar soni 3593 nafarga yetgan. Shuningdek, qariyb 11 ming kishi turli darajada jarohat olgan.
Mart oyi boshidan beri Isroil Eron qo‘llab-quvvatlaydigan «Hizbulloh» harakatiga qarshi harbiy operasiya olib bormoqda. Livanning NNA axborot agentligi xabar berishicha, bugun Isroil armiyasi tomonidan avtomobilga berilgan zarba oqibatida Livan armiyasining bir generali halok bo‘lgan.
3 iyun kuni AQShda o‘tkazilgan muzokaralar davomida Isroil va Livan o‘t ochishni to‘xtatish bo‘yicha kelishuvga erishgan edi. AQSh Davlat departamenti mazkur kelishuvning amalga oshirilishi ko‘p jihatdan «Hizbulloh»ning pozisiyasiga bog‘liq ekanini ta’kidlagan.
Biroq 4 iyun kuni «Hizbulloh» yetakchisi Naim Qosim harakat sulh shartlarini qabul qilmasligini bildirdi.
«Biz qarshilik harakatini to‘xtatish bo‘yicha hech qanday majburiyat olmaganmiz», — dedi u.
Shu tariqa, Isroil va Livan o‘rtasida e’lon qilingan sulhning kelajagi hozircha noaniqligicha qolmoqda. Mintaqadagi vaziyat esa hanuz keskin bo‘lib turibdi.
Rossiya Moliya vazirligi va Markaziy bank Putinni ogohlantirdi
«Jumanji» aktyori vahshiylarcha o‘ldirildi
Samarqandning Paxtachi tumanida 4 kishi suvda cho‘kib ketdi
