Livan prezidenti Navaf Salomga yangi hukumat shakllantirishni topshirdi

Xalqaro sud raisi Navaf Salom Livan bosh vaziri etib tayinlandi va u respublikaning yangi hukumatini tuzadi.

Bu haqda davlat rahbari devonining bayonotida aytilgan.

"Prezident Jozef Aun parlament fraksiyalari bilan maslahatlashuvlardan so‘ng Navaf Salomga Livanning yangi hukumatini tuzishni topshirdi", — deyiladi farmonda.

Avvalroq Salam 128 deputatdan 85 nafari qo‘llab-quvvatlagan, parlamentning atigi 9 nafar a’zosi uning raqibi, bosh vazir vazifasini bajaruvchi Najib Mikatiy uchun ovoz bergan, qolganlari esa birorta nomzodni qo‘llab-quvvatlashdan bosh tortgan edi.

Eslatib o‘tamiz, 71 yoshli diplomat va huquqshunos Navaf Salam 2007—2017 yillarda Livanning BMTdagi doimiy vakili bo‘lgan. 2018 yilda u Xalqaro Sud a’zosi etib saylandi va 2024 yil 6 fevralda uning prezidenti bo‘ldi. Salam Bayrut aristokratik oilasiga mansub, uning amakivachchasi Tammam Salam 2014 yildan 2016 yilgacha Livan hukumatini boshqargan.

Eslatib o‘tamiz, Livanning yangi prezidenti Jozef Aun bugun bosh vazirni tayinlash bo‘yicha parlament maslahatlashuvlarini boshladi.