Isroil o‘z nazorati ostida qolgan beshta hududdan qo‘shinlarini olib chiqib ketishi bilanoq Livanning janubiy chegarasidagi qo‘shinlar soni 10 mingga yetkaziladi.
Bu haqda respublika prezidenti general Jozef Aun Buyuk Britaniya tashqi ishlar vaziri Devid Lemmi bilan Baabda saroyida bo‘lib o‘tgan uchrashuvda ma’lum qilgan.
"Mamlakat janubida Livan armiyasi va BMT tinchlikparvar kontingentidan tashqari hech qanday qurolli kuchlar bo‘lmaydi. Litani daryosining janubida qo‘shinlarimiz soni 10 ming nafarga yetkaziladi", - dedi u.
Prezident 2025 yil 31 avgustda tugaydigan BMTning Livandagi Muvaqqat kuchlari (UNIFIL) mandatini uzaytirish bo‘yicha Londonning qo‘llab-quvvatlashiga ishonishini ta’kidladi. "Hozirgi vaziyat BMT Xavfsizlik Kengashining 1701-rezolyusiyasi to‘liq amalga oshirilgunga qadar tinchlikparvar kuchlar mintaqada qolishini taqozo etmoqda", — dedi u.
Beyrutga qisqa muddatli tashrif bilan kelgan vazir Lammi, o‘z navbatida, Britaniya-Livan munosabatlarining mustahkamligiga ishora qilib, Livanga barcha sohalarda, xususan, harbiy sohada yordam berishga va’da berdi.
Ayollarning pensiya yoshi yana 6 oyga oshirildi
Eldor Shomurodovning yangi jamoasi ma’lum. U Italiyadan ketmoqda
Jahongir Ortiqxo‘jayev Antalyada 550 mln dollarlik loyiha boshlagani ma’lum qilinmoqda
