Litva Ukraina uchun Patriot tizimlarini sotib olishga 30 mln yevro ajratadi

Litva mudofaa vaziri Dovile Shakalene ma’lum qilishicha, respublika Ukrainaga Patriot mudofaa tizimlarini sotib olish uchun 30 million yevro yo‘naltiradi.

AQSh prezidenti Donald Tramp Ukrainaga qurol yetkazishga tayyor ekanini bildirgan, lekin bu xaridni Yevropa Ittifoqi moliyalashtirishi kerak. Shakalene bu qarorni to‘liq qo‘llab-quvvatlashlarini aytib o‘tdi.

Biroq Fransiya, Italiya va Chexiya kutilmaganda AQSh qurollari uchun mablag‘ ajratishni istamadi. Vengriya ham Ukrainaga har qanday qurol yetkazishga qarshi ekanligini ma’lum qildi.