Lavrov: AQSh va Eron 2015 yilgi kelishuvga yaqin natijaga erishsa, bu katta muvaffaqiyat bo‘ladi

Rossiya tashqi ishlar vaziri Sergey Lavrovning aytishicha, agar AQSh va Eron muzokaralar yakunlarida 2015 yilgi yadroviy kelishuvga yaqin natijaga erisha olsa, bu allaqachon katta muvaffaqiyat sifatida baholanadi.

U bu fikrni Liviya Milliy birlik hukumati tashqi ishlar rahbari bilan o‘tkazilgan muzokaralardan keyingi matbuot anjumanida bildirdi.

Lavrovning ta’kidlashicha, Rossiya hozirgi muzokaralarni qo‘llab-quvvatlaydi va tomonlar o‘zaro maqbul yechimga kelishi muhim ahamiyatga ega.

Shu bilan birga, u Moskva AQShning Eron bo‘yicha muzokaralarida ham tahdidlar, ham murosaga doir signallarni ko‘rayotganini qayd etdi.